1- لا تظهري لاهلك عدم الرضا ...
(عشان تعرفي تكملي الخطة)
2- اهم حاجة في الخطة من ساعة ما تسمعي عن العريس لحد ما ييجي اوعي تستحمي
خلي الريحة الحلوة تطلع ...
ماتنسيش تفرمي بصل كتير ولو في ثوم خير و بركة ..
طبعا (انتي بتساعدي ماما ما حدش هيقول حاجة)
3- طبعا النهاردة اهل العريس عايزين ييجو يشوفو
(قمر الزمان)
عشان كدا قمر الزمان لازم تفضل نايمة
لحد قبل المعاد بساعة (عشان وشها يستريح وما يبانش انه تعبان) وكدا تكوني ضيعتي على اهلك فرصة
انهم يكشفوكي.
4-اهل العريس (ابو الشباب) جه... سلمي على امه بكل برود ... واعملي نفسك قرفانة و شايفة نفسك
بعدها اسحبي نفسك على اوضتك..
(عشان تزبطي نفسك امال ... )
و يلا
نعرف خطوات احلى ميك اب لاحلى مناسبة مناسبة :
الكحل : الكحل جميل جدا على العيون ... اتكحلي ... بس خلي الكحل في عين اكتر من التانية..
وكدا بتضمني تكوني (حولة رسمي)
كريم الاساس: اكيد عايزين كريم اساس بس على الشفايف
كدا عندك فقر دم
الاي شادو : طبعا الاي شادو
(هو اللي بيخبي البلاوي وهو اللي بيبين البلاوي )
الاي شادو الاسود على العيون و ثقلييييييييه مع اي شادو اصفر
على وشك بدل (البلاشر)
وكداااااااااا يبقي عندك كوليرا
و لازم تلبسي احلى موديل :
جيبة خضرا (لون الخيار ) و بلوزة حمرا (لون
الطماطم)
طالعة من الجنينة اكيييييييييييد
و البسي طرحة
من سنة الف و تسعمية و ستة وخمسين ترتر وخرز
و السابو من العصر الحجري
(شبشب زنوبة بوردة حلوة كده)
5- روحي ع المطبخ عشان تأخدي القهوة ... بس اوعي امك تاخد بالها من العك..
6- امشي بكل ثقة الى غرفة الضيوف ...
(كل ما تكون ثقتك بنفسك اكتر تباني انك خبيرة في الأمور دي)
وكدا....
الفار يلعب في دماغ ابو العريس ...
ويسأل نفسه
مدامها خبيرة كدا ليه اللي قبلنا طفشو؟!!
(بس الفار عند الاب مش كفايه... لازم نجيب طقم فران يلعبوا في دماغ العريس)
امسكي القهوة ... بصي بعيونه
(واحولي عينيكي)...
المسكين يوقع في الصدمة(من اول نظرة)
هو طبعا من شدة الصدمة هينسى القهوة... وطعمها المريب
طبعا سيبي الرجالة يتكلمو في المهم ....
(اماااااااااااااااااااال)
ارجعي لام العريس اللي عايزة تشوف جمال شعرك
المرة دي مش هنعمل مقلب ... خليه حلو مافيش مشكلة ... سشوريه و زبطيه
بسسسسسسسس
اقعدي اهرشي و اهرشي و اهرشي قدامها ...
تخيلي انه في حديقة حيوانات في راسك ...
مسكينة طنط (ام العريس)
لو نفذتي الخطوات دي مية بالمية بأكدلك ..
هتسمعي كلمة : " يا الله "
وتسمعي صوت ابوكي
بيقول للجماعة " شرفتونا" ... لانه الضيوف عايزين
(يفلسعو قبل ما يتدبسو ببلوة منيلة .... )
موضوع: ازاي تطفشي عريس متقدملك!!!!!!!!!!!!!!!!!!!!!! 
الجمعة سبتمبر 26, 2008 5:51 am
مية مية برافوووووووو على النصيحة دى