الحب ولع فدرة ههههههه

ياجماعة انتوا مش ملاحظين ان الكلام العاطفى والتعبيرات الرومانسية زادت اوى اليومين دووووول حبيب قلبى روحى عينى واحشنى ياغالى انت فينك ياقمرر والنعمة الشريفة بمووت فيك الكلام الحلو دة كله مكنش فى قاموسنا قبل كده مش بس بيقولوا راجل لست او ست لراجل لا راجل لراجل او ست لست واى حد تقبله يقوووم رزعك طقم حنية من غير اى مناسبة وساعات من غير سابق معرفة والشىء الغريب ان شلال الكلام الحلو دة وتعبيرات الحب الفزيع ده جى فى وقت الحب فيه انتهى تماما والناس مبقتش طايقة بعضها والحقيقة ثورت الاتصالات اخترعتلنا وسايل جديدة للتعبير عن الحب مسجات ورنات جاهزة ولا تتعب دماغك ولا تفكر يدوب تعبت سند ووصلت ياباشا وطبعا فاكرين حليم حافظ ولبنى عبد العزيز فى الوسادة الخالية مكالمات التليفون اللى شغالة بينهم طوول الليل ولبنى بتقوله بصوتها الرقيق اقفل بقى ياصلاح وصلاح مش عايز يقفل وطبعا حليم ولبنى كانوا بيكلموا بالساعات من غير اى مشاكل لان مصلحة التليفونات ايامها بتدفع فلوس علشان يشجعوا الناس تتكلم استنواااااااا منى المزيد والمزيد انا اصلى بحب اوى اعلق واتريق على الوضع والحال اللى مش بيعجبنى وطبعا احب اوى اسمع ردودكم على اى حاجة بكتبهااااااااا